ఈ రోజు మనం పప్పు వడ ఎలా చేయాలో చూద్దాం… ముందుగా కూరకు కావలసినవి ఏంటి వాటితో ఎలా తయారు చేయాలో వివరంగా చూద్దాం.
కావలసినవి:
1. బియ్యం: కప్పు
2. సెనగపప్పు: అరకప్పు
3. మినప్పప్పు: అరకప్పు
4. పుల్లని మజ్జిగ: కప్పు
5. పసుపు: అరచెంచా
6. ఉప్పు: తగినంత
7. పచ్చిమిర్చి పేస్టు: రెండు టేబుల్స్పూన్లు
8. వాము: అరచెంచా
9. తెల్ల నువ్వులు: రెండు టేబుల్స్పూన్లు
10. కొత్తిమీర తరుగు: పావుకప్పు
11. వంటసోడా: పావుచెంచా
12. నూనె: వేయించేందుకు సరిపడా
తయారీ విధానం:
1. స్టవ్ మీద కడాయిని పెట్టి బియ్యం, మినప్పప్పు, సెనగపప్పును వేయించుకుని తీసుకోవాలి.
2. వీటి వేడి చల్లారాక మిక్సీలో వేసి పొడిలా చేసుకుని ఓ గిన్నెలో తీసుకోవాలి.
3. ఇందులో మజ్జిగ కలిపి మూత పెట్టి అయిదారు గంటలు నాననివ్వాలి.
4. ఆ తరువాత నూనె తప్ప మిగిలిన పదార్థాలన్నీ కలపాలి.
5. ఈ పిండిని చిన్నచిన్న వడల్లా చేసుకుని కాగుతున్న నూనెలో వేస్తూ, ఎర్రగా వేయించుకుని తీసుకోవాలి.
అంతే ఎంతో రుచికరమైన పప్పు వడ రెడీ